Help center

Free account page par naam, email aur password likhein, ya "Google se account banayein" dabayein. Email se account banaya to aap ki email par verification link aayega. Link kholein, phir login karein.

Spam ya Promotions folder dekhein. Email ki spelling check karein. Phir login karein aur "Email dobara bhejein" dabayein. Link 3 din tak kaam karta hai.

Plan chunein (abhi Free), dukaan ka naam aur number likhein, phir Stock mein products dalein. Uske baad Sales mein pehla bill banayein.

Password reset page par email likhein. Email mein aaye link se naya password banayein. Agar Google se account banaya tha to seedha "Google se login" istemal karein.

Chrome mein tijarat.xitorque.com/app kholein. Upar menu (teen nuqte) mein Install app ya Add to Home screen dabayein. Tijarat ka icon Home screen par aa jayega.

Safari mein app kholein, neeche Share button dabayein, phir Add to Home Screen.

Chrome ya Edge mein app kholein. Address bar ke right par install ka icon dabayein. Tijarat alag window mein app ki tarah khulega.

Neeche Sales kholein, Retail ya Wholesale chunein, Product chuno se products dalein, qty aur rate check karein aur Bill save karo dabayein.

Bill save hone ke baad bill ki image ya WhatsApp ka button aata hai. Customer ka number likha ho to bill seedha usi chat mein jata hai.

Printer ko phone ya computer se jod lein (Android par aksar printer ki apni print-service app install karni hoti hai). Settings mein bill ki maloomat ke saath kaghaz ka size chunein: 58 mm ya 80 mm. Phir bill par Print dabayein aur print window mein apna printer chunein.

Wholesale bill mein jitni payment mili wo likhein. Baqi raqam khud ba khud us dukaan ke khate mein chali jati hai.

Khata mein dukaan ke naam ke neeche raqam likhein aur Payment save dabayein. Poori history "Poora hisaab dekho" mein milegi.

Stock mein naya product banayein: naam, category, qty, cost, retail aur wholesale rate. Chahein to tasveer aur barcode bhi.

Home par Maal Aaya dabayein, supplier aur products ki qty likhein. Stock khud barh jayega aur supplier ka hisaab bhi ban jayega.

Seller Center mein More, phir Settings, phir Staff kholein. Username, password aur role (sales, stock ya manager) chunein. Ye maloomat staff ko de dein.

tijarat-staff.xitorque.com par usi username aur password se. Staff ko sirf us ke role ke kaam nazar aate hain.

Seller Center mein More, phir Catalog, phir Bazaar kholein aur dukaan live karein. Jin products ko dikhana hai wo chunein. Customers bazar.xitorque.com par aap ki dukaan dekh kar order bhej sakenge.

Naya order aap ki app mein Orders mein aata hai. Customer ka naam, number aur pata saath hota hai. Delivery aur payment aap aur customer aapas mein tay karte hain.

Aap ke account ke saath Google Firebase cloud par. Is phone par bhi ek copy hoti hai taake app offline chal sake. Tafseel Privacy policy mein hai.

Naye phone par usi email ya Google account se login karein. Sab data khud aa jayega.

App mein More, phir Settings mein logout ka button hai. Logout se pehle internet on rakhein taake sab data cloud par chala jaye.

Abhi ye kaam support karta hai. Contact par paigham bhejein.

Contact form mein mauzoo Account delete karna chunein aur wahi email likhein jis se account bana hai. Tasdeeq ke baad aap ka account aur cloud par saara data 30 din ke andar mita diya jata hai. Phone par mojood copy app ke Settings mein "Logout aur is phone ka data hata do" se mitayein.